Aktuels vo de
Rhyschlappe Logo

22. Auguscht
route

40 Joor Rhyschlappe

40 Joor Rhyschlappe am Samschtig dr 22. Auguscht um 16:00 Uhr startet unser Fescht in dr Villa Kütschlihof in Bottminge.
Klick uf unsere Balletines, denn weisch wo du ane muesche.
23.-26.Hoornig
Mir sind no glainer unterwäggs - aber gniesse d Fasnacht in volle Zügg

bar 2014 bar

10.-12.Meerze
Mir sind glai unterwegs und gniesse d Fasnacht mit unsere fahrendi Feschtbangg

bar 2013 bar

18.-20.Hoornig
route

Dr Cortège

Mir sind an dr Fasnacht ! Mit em Sujet Manus Manum Lavat sin d Rhyschlappe Waggis zäme mit dr Schotte Clique an dr Fasnacht unterwägs
Klick uf unsere Routeplan, denn weisch wo mir starte.

16.Hoornig
route

D' Vernissage

Waage Vernissage am Samschtig dr 16. Februar um 17:00 Uhr findet unseri Waage-Vernissage vor em Restaurant "Zic Zac" in Allschwil statt.
Mit drby sind D Schotte Clique und D Schlangefänger. Aaschliessend Mensa Romana und Römer-Party im Zic Zac.

bar 2012 bar

27.-29.Hoornig
pause

Dr Cortège

D Rhyschlappe mache e kreativi Pause!
Jo, tatsächlich werde mir im Joor 2012 keini Sujet-Waage Aggtivitäte entwiggle.
Mir gönne uns noch langer Zyt emol e Cortège-Freii Fasnacht.

Natyrlig siin mir als Waggis uf dr Gass und du wirsch uns do oder dert au in Aggtion seh – mach d Auge uff!
Mir sinn au drbi am Waggis-Marsch, Zyschtig, 17:15 ab Mässeplatz Richtig Innestadt

25.Hoornig
vernissage

Rhyschlappe Party

Mir laade i zer Rhyschlappe Gönner Party am Samschtig am 25. Hoornig in dr „Villa Kütschlihof“ an dr Baslerstrasse 36 in Bottmingen.
Ab de 6si z'Oobe heisse mir Gönner, Fründe, Fäns und alli Lüt, wo gärn e tolls Fescht fyyre, bi uns rächt härzlig willkomme.
Dr Iitritt kostet CHF 25.- (Oebekasse) und beinhaltet d Gönnerschaft 2012, Dringge, gleins zum Ässe und natirlig Rhyschlappe Ambiente

bar 2011 bar

14.-16.Meerze
route

Dr Cortège

Mir sind an dr Fasnacht ! Mir lääbe s Motto „Dr Waggis läbt“ voll uss.Loo dii iberrasche, kumm ko luege.
Klick uf unsere Routeplan, denn weisch wo mir starte.

12.Meerze
vernissage

D' Vernissage

Waage Vernissage am Samschtig am 12. Meerz ab de vieri am Nomittag im „Kütschlihof“ an dr Baslerstrasse 36 in Bottmingen.

bar 2010 bar

4.Septämber
route
Am 4. Septämber 2010 isch es wiider sowyyt: Am Nomidaag sin mir am Schlangefänger-Beachvolleyball-Turnier und z'Oobe an ihrem Änd-Summer-Fescht. Das ganze findet uff de Sportaalage im Joggeli statt.
23.Hoornig
vernissage

Dr Waggis Marsch

Uffruef zem grossen Waggis Marsch
Am Zyschtig Oobe mach mir dr Voortrab vom Gugge-Stärnmasch zer Seibi.
Drzu laade mir alli Wägeler, Waggis-Cliquen, Ainzelmasgge, Nochwuchs-Waggis und sötigi wos no wärde wän härzlig yy im Waggis-Goschdym zem Restaurant „Escale“ zkooh. Wär bereits ä Rääre het, sell se doch grad scho mitnääh.

Programm:
17:45 Träffpunkt aller Waggis vor em Rest. „Escale“ an der Mustermesse
18:00 Ussgoob vo de Instrumänt, dr Räären (wer keins het)
18:15 Yystooh zem Marsch vor em Rest. „Warteck“
18:25 Abmarsch uff d’Routé: Clarastrasse, Mittlere Brücke, Gerbergasse, Barfüsserplatz
19:00 Yyträffe am Seibi
19:15 Rääre Konzärt uff dr Byhni
19:25 Ussmarsch ab dr Byhni
22.-24.Hoornig
vernissage

S'Waggis Dorf

Unser herrlig dekorierts Waggis Dorf isch diesjeehrig e wichtigs Bestandteil vo unserem Sujet.
S Dorf stoot während de drey scheenste Dääg offe, dert trifft mer d Waggis a und pflägt e Usstusch mit em Publikum. Dert kasch lerne was e draditionelle Waggis isch und wie mit im umgosch - dert derfsch sogar sälber emol e Waggis sii.
Finde tuesch s Waggis Dorf im Innehof vom Restaurant Kunsthalle vor dr Campari-Bar.
D Waggis Cliquen verfolge mit däm Sujet keinerlei kommerzielli Gwünnziel!

S Waggis-Dorf:
• Offe Mäntig, Zyschtig und Mittwuch vo 10:00 bis 01:00 Uhr durchgehend
• Warme Kuchi dinne und dusse
• Warms und trockens Waggis-Beizli
• Grossi Waggis-Bar
• Spezialdringgs fii Waggis-Dorf Bsucher
• Lustige Waggis-Attraktione wie z.B. Orange-Zielwurf, Rääre-Ussduur-Wettbewärb, Karaoke-Intrigier-Kiosk, und vyls me...
22.-24.Hoornig
route

Dr Cortège

Mir sind an dr Fasnacht ! Mir lääbe s Motto „Dr Waggis läbt“ voll uss.
D Rhyschlappe Waggis gön s erschtmol und eimolig fir d Fasnacht 2010 e Sujetgmeinschaft mit andere Waageclique ii.
Loo dii iberrasche, kumm ko luege. Wyteri Infos findisch unter www.drwaggislaebt.ch
Klick uf unsere Routeplan, denn weisch wo mir starte.

21.Hoornig
vernissage

D' Vernissage

Waage Vernissage am Sunntig, 21. Hoornig 2010 am vieri am Nomidaag im Waggis Dorf, im Innenhof vom Restaurant Kunsthalle, vor dr Campari-Bar.
Aschliessend wer no nit gnueg het, goht mit uns iiber zu Caro und René in Häxechessel und schnupperet bereits e weeneli KeeryyDuft.

bar 2009 bar

16.-18.Oktober
S beriemt berüchtigti Rhyschlappe Weekend stoot 2009 unter em Motto "Sportlich dinn und duss".
Emol als Basler ame Yyshockeymatch live in Biel --- muesch erläbt ha.
Und denn emol ane Golfball hämmere so gross wie ne Orange --- ebbe grad au.
Und s Hotel am See und d Stärnehimmeldiskussion und eine nää …. ufff ….. sisch eifach z schnäll verbii gsi.
5.Septämber
route
Am 5. Septämber 2009 isch es wiider sowyyt: Am Nomidaag sin mir am Schlangefänger-Beachvolleyball-Turnier und z'Oobe an ihrem Änd-Summer-Fescht. Das ganze findet uff de Sportaalage im Joggeli statt.
2.-4.Meerze
route
Mir sind an dr Fasnacht ! Mir lääbe s Motto „Mir ruume uff!“ voll uss. Loo dii iberrasche, kumm ko luege.
Klick uf unsere Routeplan, denn weisch wo mir starte.
1.Meerze
vernissage
Waage Vernissage am Sunntig, 1. Meerz 2009 am vieri am Nomidaag uf dr Gass vor em, Theaterstross 12, Basel.
Aschliessend Vorfasnachtsparty in dr Keeryy VIP-Lounge und im Häxechessel.

bar 2008 bar

17.-19.Oktober
S beriemt berüchtigti Rhyschlappe Weekend stoot unter em Motto "Back to the Roots".
Wie d Affe kraggsle mir ganz wild und hoch uf de Bäum umme. Mir penne zämme in eim Ruum. D Folklore a la Rhyschlappe fasziniere Thaigörls. Im Casino bessere mir d Cliquekasse uff und investiere in e wunderbare Wyy. Und unseri Auge richte sich uf e Jungfrau - wunderbar.
6.Septämber
Beach Party
D Schläppe hänn am Schlangefänger Beachvolleyball-Turnier wieder alles gää und sin wie 2007 erst im Final ussgschiide.
Do derbi het sich zeigt, dass au elteri Sägg durchus no e Chance hän – me muess eifach nume guet spiile. Oder isch es ächt wäge dr Bar, wo so verdeggl wit ewäg vom Spiilfäld gsi isch?
Dangscheen, Schlange, für s Turnier, für d Party und für die tolle Barmaids.
15.Juni
Beach Party
D Rhyschläppe truure um ihre geniale Trike-Fahrer und allerliebschte Fasnachtsfründ Richi Meier.
Er isch am 15. Juni bi eme tragische Sportunfall ums Läbe ko.
Sinere Familie wünsche mir viil Kraft und Zueversicht in dere schwere Zyt. Liebe Richi, dini ufgschtellti und liebenswürdigi Art und di Optimismus in allne kritische Situatione het uns schwer beidruggt und mir alli hän di sofort ins Härz gschlosse. Du wirsch uns au bi de neggschte Fasnachte begleite und mir stoosse uf di aa.
Andy, Chrigi, Christoph, Claus, Fernand, Ralph, René, Roli, Heiner, Vito
31.Mai D Schläppe hän am Birsigtaler Clique-Grümpeli alles gää. Pflotschnass inne und usse hämmer im 8tel Final miesse de Jüngere s Fäld iberloo.
Zoobe an dr Party – he jo, dert isch me drby, s isch wieder emol eifach guet gsi.
Ebb d Schläppe wieder khemme kho schutte bruucht woorschiinlig e gresseri intärni Diskussion als au scho.
10.-13.April
davos
Unseri Larve sorge für Furore am Swiss Snow Sport Happening in Davos
11.-13.Hoornig
route
Mir sind an dr Fasnacht ! Mir lääbe s Motto „Mir spiile us!“ voll uss. Loo dii iberrasche, kumm ko luege.
Klick uf unsere Routeplan, denn weisch wo mir starte tien.
Mir sinn ibrigens au an dr Waage - und Reqqwisyte-Uusstellig uf em Kaserneplatz zem Aaluege dert.
09.Hoornig
vernissage
Waage Vernissage am Samschtig, 09. Hornig am vieri am Nomittag iin Rynach am Kägenhofweg 5.
Es git eppis feins zem Sputte und natirlig seesch au unser disjöörigs Wäägeli.
Klick do druuf, denn chunnt dr Plan, denn weisch wo de aanemuesch

bar 2007 bar

21.-23.Septämber
heli
S beriemt berüchtigti Schlappeweekend, diismoll im Aargauische Mittelland.
S kha sii, ass am Meentig d Aargauer-Kie suuri Milch gänn; do drfir tien mir uns jetz scho entschuldige.
15.Septämber
beach
D Schläppe hän (fascht) alles gä im Beachvolleyballturnier vo de liebe Schlangefänger Gugge im Joggeli.
Schliesslig hen mir derfe dr Titel verteidige.
Leider isch den dr Final nach ere 8:1 fierig doch noch verlore gange - mir vertrage es halt eifach nit iber e Stund uf s Finalspiil warte zmiesse - s kunnt uns eifach nit guet :-)

Geili Party gsi - super Stimmig - Schlangefänger machet witter eso!
26.Hoornig
raetsche
Mir sind am Rätschekonzärt an dr Schiffländi!
Am Fasnachts-Mäntig, 26 Hornig am 21:30 findets an dr Schiffländi statt.
D'Wildsey erwarten Euch, zämi mit de Luuser-Waggis, d'Rhyschlappe Waggis, d'Salon-, d'Privé-Waggis, d'Rääre-Waggis, d'Trotzkepf-Waggis und nadirlig au no d'Büllwar-Fritze.
Bref, d'Basler Waggis-Spitze! Mir lehn denn d'Sau ab mit de Rätsche.
Klick do druuf, denn kemme Details, und du weisch wo de aanemuesch!
26.-28.Hoornig
route
Mir sind an dr Fasnacht !
Mir lääbe s Motto „d Strooss gheert uns“ voll uss. Loo dii iberrasche, kumm ko luege.
Klick uf unsere Routeplan, denn weisch wo mir starte tien.
Mir sinn ibrigens au an dr Waage - und Reqqwisyte-Uusstellig uf em Kaserneplatz zem Aaluege dert.
24.Hoornig
vernissage
Waage Vernissage am Samschtig, 24. Hornig am vieri am Nomittag iin Rynach am Kägenhofweg 5.
Es git eppis feins zem Sputte und natirlig seesch au unser disjöörigs Superwäägeli – e gigantische Traumwaage!!
Klick do druuf, denn chunnt dr Plan, denn weisch wo de aanemuesch

bar 2006 bar

22.-24.Septämber
zermatt
S'beriemt berüchtigti Rhyschlappe Weekend diesmol wieder in Zermatt
2.Septämber
Beach Party
Rhyschlappe Waggis gwinne das vo de Schlangefänger Gugge hervorragned organisierti Beachvolleyball Turnier im Joggeli.
Siegerteam: Johnny, Roli, Heiner, Claus verstärkt mit em Roger und em Claude.
15.Meerze
CD Cover
Dr Ohrwurm <<nimm's easy>> vo de Rhyschlappe, dä Hit vo dr Fasnacht 2006 jetzt erhältlig.
Im Rahme vo dr dissjeerige Fasnacht 2006 mit em Sujet waggEasy.com hen d'Rhyschlappe e aigeni CD produziert.

Bsoorg Dir grad dini aigeni CD!
5.Meerze Waage Vernissage am Suuntig, 5. Meerz ab de halb vieri am Nomittag im Restaurant Luftschloss (Luftgässlein 1)
1.Meerze CD Taufi am Mitwuch, 1. Meerze ab 8i zoobe in dr Disco Route 66

bar 2005 bar

10. Septämber

Mir maache mit am Saifikischte Renne am Wichelmattu Gädifäscht in Zermatt.
Wyteri Infos findisch unter www.winkelmattenfest.ch
3. Septämber Rhyschlappe Waggis spiele mit am Clique-Beachvolleyball-Grümpeli und stelle 2 Mannschafte: d'Rhyschlappe-Schmäscher und Rhyschlappe-Volley.
Häärzligge Gartulation an Rhyschlappe-Smäscher fyr dr 2.Platz.
31. Juli 1. Augustfest: D Rhyschlappe Waggis laade yy zem Bsuech vo unserer Festbeiz am Rhy: Sunntig, 31. Juli 05 ab de vieri Zmittag am unt. Rhywäg vo dr Kasärne ca. 50m rhyabwärts gege d Johanniterbrugg.
S'gitt feini Sache und me gseet vo unsere Sitzplätz genau uffs Fyyrwärk.
24-26. Juni S'Rhyschlappe Weekend untrm Motto Canyoing oder eso - diesmol in dr Massaschlucht.
4. Juni Au im däm Joor tschütterle mir am 10. Birsigtaler Clique - Grümpeli. Jedoch sins scho wyder e baar Whiskely zvyyl gsi - scho in dr Vorrundi ussgschyyde.
13. Hoornig Waage Vernissage am Suuntig am 13. Hoornig ab de halb vieri am Nomittag uff dr Kunschti Eglisee

bar 2004 bar

2. & 3. Oggdoober Rhyschlappe Waggis laade yy zem Super-Lottomatch
Dr Lottomatch findet am Samschtig, 2. Oggdoober ab 14:00 bis 24:00 Uhr und am Sunntig, 3. Oggdoober, ab 14:00 bis 22:00 Uhr im Rhyfälderhof statt (Nadyyrlig in Aigeregie)
S'git unter anderem Mountainbikes, Deelifoon, Farbfernseher, Riisefressköörb, Fleischplatte, Huushaltsgräät und vyyli wyteri Sonderiiberaschige z'gwünne.
10.-12. Septämber S'beriemt berüchtigti Rhyschlappe Weekend diesmol in dr Ostschwyz - mit Wasserschifahre, Bsuech vom Match FCB-GC und aine nää...
21. Augschte Rhyschlappe Waggis spiele mit am Clique-Beachvolleyball-Grümpeli und stelle 2 Mannschafte: d'Rhyschlappe-Schmäscher und Rhyschlappe-Volley.
Häärzligge Gartulation an beide Mannschafte fyr dr 1. und 2.Platz.
31. Juli 1. Augustfest: D Rhyschlappe Waggis laade yy zem Bsuech vo unserer Festbeiz am Rhy: Samschtig, 31. Juli 04 ab de vieri Zmittag am unt. Rhywäg vo dr Kasärne ca. 50m rhyabwärts gege d Johanniterbrugg.
S'git feini Sache und me gseet vo unsere Sitzplätz genau uffs Fyyrwärk.
15. Mai Rhyschlappe Waggis tschütterle am Clique-Fussball-Grümmpeli mit.
S'dissjeerige Clique-Grümpeli isch sportlich gseh wyderemool e Erfolg fyr d'Rhyschlappe gsi. Mit 3 Sieg und 1 Unentschiede hen mer Zwischerundi gschafft. D'Pause dennoch isch aber fir uns aidyttig z'lang gsi und mi däne Whiskely im Grind hen mers druffolgendi Spiil knapp 0:1 verlore.
Hey nai, was solls - s'isch emel dr Plausch gsi.

bar 2003 bar

10. Oggdoober Rhyschlappe Waggis laade Yy zem Super-Lottomatch
Dr Lottomatch findet am Frytig, 10. Oggdoober ab 20:00 bis 01:00 Uhr und am Samschtig, 11. Oggdoober, ab 19:00 bis 01:00 Uhr im Gundeldinger-Casino statt. (Nadyyrlig in Aigeregie)
S'git unter anderem Mountainbikes, Deelifoon, Farbfernseher, Riisefressköörb, Fleischplatte, Huushaltsgräät und vyyli wyteri Sonderiiberaschige z'gwünne.
05.-07. Septämber S'beriemt berüchtigti Rhyschlappe Weekend diesmol bi unsere Nochbere im Elsass.
S'Program gschpiggt mit e bitzeli Äggschen, Gnuss, e weeneli mee Äggschen und sehr viil Gnuss.
18. Augschte Rhyschlappe Waggis spiele mit am Clique-Beachvolleyball-Grümpeli und stelle 2 Mannschafte: d'Rhyschlappe-Schmäscher und Rhyschlappe-Volley.
Häärzligge Gartulation an beide Mannschafte fyr dr 2. und 3.Platz.
17. Mai Rhyschlappe Waggis tschütterle am 8. Birsigtaler Clique-Grümpeli
Au am dissjeerige Clique-Grümpeli sin mir nach e baar Whiskely zvyyl scho in dr Vorrundi ussgschyyde.
8. Meerze Waage Vernissage am Samschtig am 8. Meerz ab de vieri am Nomittag im Kütschlihof in Bottminge

bar 2002 bar

14.-15. Dezämber S beriemt berüchtigti Rhyschlappe Weekend diesmol in Zermatt.
Znachtässe bim Heinz im Paradies, Nächtliche Schlittelfahrt, Curling Spiile, aine nää...
11.-12. Oggdoober d'Rhyschlappe Waggis laade Yy zem Super-Lottomatch.
Dr Lottomatch findet am Frytig, 13. Oggdoober ab 18 Uhr und Samschtig, 14. Oggdoober, ab 14 Uhr im Gundeldinger-Casino statt.
17. Augschte Rhyschlappe Waggis gwinne s'Clique Beachvolleyball Turnier vo de Schlangefänger
Aimool me hän mer bwiese, dass mer nyt nume ufem Waage aimoolig sin, nai au spoortlig absolut spektakulär und erfolgryych. 7 Match - 7 Sieg! D'Profiverträg wäärde nochegraicht. Siegerteam: Vito, Claus, Urs, Eichi und René.
31. Juli <<dr'Schlappe>> als Baiz am 1. Augschtefescht in Basel.
22. Juni Unser Waage <<dr'Schlappe>> faart am Umzug vom Eidg. Turnfescht mit.
im Meerze Rhyschlappe Waggis spände iire Waage im Robinson Spielplatz Muttenz
23. Hornig Step-Ufftritt am Keerus vo de Schotte Clique und Schränz Gritte
2.-9. Hornig Drummeli Ufftritt mit em Dupf-Club

bar 2001 bar

12.-13. Oggdoober D'Rhyschlappe Waggis llade Yy zem Super-Lottomatch.
Dr Lottomatch findet am Frytig, 12. Oggdoober ab 18 Uhr und Samschtig, 13. Oggdoober, ab 14 Uhr im Gundeldinger-Casino statt.
15.-17. Juni S beriemt berüchtigti Rhyschlappe Weekend diesmol in Baderweiler.
Wellness, Schluuchboot, Bike, aine nää...
26. Mai Rhyschlappe Waggis steend im Final vom Oberwiler Clique Grümpeli

bar 2000 bar

14.-15. Oggdoober D'Rhyschlappe Waggis llade Yy zem Super-Lottomatch.
Dr Lottomatch findet am Samschtig, 14. Oggdoober ab 14 Uhr und Sunntig, 15. Oggdoober, ab 14 Uhr im Gundeldinger-Casino statt.
22.-24. Septämber S beriemt berüchtigti Rhyschlappe Weekend diesmol im Tessin.
Ibernachte im Tipi, Kanooing...Canoing...C..sch.. Plantsche im Bach, Sägelturn in Ascona, aine nää...
1.-2. Septämber <<dr'Schlappe>> als Baiz am Pub und Guggefescht in Sissach.
26. Augschte D Rhyschlappe Waggis steend im Final vom Beach Volleyball Turnier vo de Schlangefänger
29. Juli Unser Waage <<dr'Schlappe>> faart fyr e Turnverein am Dorfumzug in Muttenz.